Liwanag sa Ulap

Noong napadako ka sa buhay ko

Hindi ko mawari kung paano ako

naging ambon na nahulog sa iyo

Tila bang huminto ang langit sa pag iyak

noong ika’y dumating.

Panaginip nga ba ang mga ito?

Hindi ko nais na bitawan ang mga

Ala-alang naiukit sa batong ating hawak

Ngunit tunay ngang lahat ng kasayahan ay may katapusan

Marahil ikaw ay una nang nakapagtanto

Hiram na panahon

At patapon na kahapon

Sigaw ng nakaraan

na nais ko pang pakinggan

Katulad rin ba ito ng iyong mga ninanais?

Maari bang marinig ang iyong tinig

ni kahit man sa huling sandali

mabigyan ng kasagutan

ang dibdib na iyong iiwanan

Pabigyan mo sana ang pangwakas kong ibig

- Das Kuer